Um Veðrið

Einn stormasaman haustdag spratt upp hugmyndin að Veður-græjunni.

Hver kannast ekki við að vera spurður af ættingja eða vini eitthvað á þessa leið:

“Var hvasst á leiðinni?” eða “Tókstu eftir því hversu hvasst var á Kjalarnesinu?”

Veðrið birtir upplýsingar um íslenskt veður á því formi sem flestir þekkja, veðurskiltum Vegagerðarinnar. Þar að auki bíður græjan upp á greiðan aðgang að nánari upplýsingum um vind, vindhviður, hita, veghita og daggarmark ásamt upplýsingum um umferð.

Í fyrstu útgáfu eru eftirfarandi möguleikar

• Upplýsingar frá 234 veðurstöðvum á Íslandi
• Vindátt
• Meðalvindhraði síðustu 10 mínútur
• Hámarksvindhraði (hviður) síðustu 10 mínútur
• Hiti
• Veghiti
• Daggarmark
• Raki
• Umferð frá miðnætti
• Umferð síðustu 10 mínútur
• Staðsetning veðurstöðva
• 1, 3 eða 5 veðurstöðvar í einu á skjá

Athugið að græjan sækir um 5.1KB af gögnum í hvert skipti sem upplýsingar eru uppfærðar. Upplýsingar eru sjálfkrafa uppfærðar tvisvar á klukkustund svo heildargagnamagn er um og yfir 244,8KB á sólahring. Engin ábyrgð er tekin á uppitíma, réttmæti gagna eða þau séu alltaf aðgengileg.

Leiðbeiningar

Leiðbeiningar um notkun

Android:

Til þess að bæta Veður-græjunni á heimaskjáinn er auðveldast að smella á Menu-hnappinn og velja Bæta við (Add). Velja þar Föng (Widgets) og finna Veðrið. Þegar búið er að finna Veðrið er hægt að velja á milli þriggja stærða, 1 veðurstöð, 3 veðurstöðvar eða 5 veðurstöðvar, allt eftir þörfum hvers og eins. Eftir að viðeigandi fjöldi veðurstöðva hefur verið valinn þá eru veðurstöðvarnar valdar úr fellilista og ýtt á OK-hnappinn til að staðfesta valið. Við það ætti Veðrið að birtast á heimaskjá.

Hægt er að snerta Veður-græjuna á heimaskjá til að fá upp valmöguleikana Endurhlaða, Stilla og Nánar. Valmöguleikinn Endurhlaða sækir nýjustu veðurupplýsingar. Stilla opnar aftur valmöguleikan á að velja og skipta um veðurstöð. Nánar opnar nánari upplýsingar um veðurstöðina.

Samband

Á bakvið Veðrið eru Veðurguðirnir Einar Bragi Hauksson, Guðmundur Hallgrímsson og Ólafur Helgi Haraldsson.

Allar ábendingar um villur ásamt óskum um viðbætur eru vel þegnar! (Hrós líka!)